Hertar heimsóknarreglur á Hraunbúðum

„Í ljósi nýjustu frétta um fjölgun innanlandssmita Covid-19 þurfum við að bregðast við og gæta enn betur að sóttvörnum,“ segir í tilkynningu á heimasíðu Hraunbúða rétt í þessu.  „Við setjum takmarkanir á fjölda heimsókna á heimilið og höldum líka áfram með þær reglur sem voru í gildi en viljum ítreka að gestir taki þær alvarlega.  Við erum í þessu saman og viljum minnka líkurnar á því að smit berist inn á heimilið.  Líkurnar minnka í hlutfalli við þann fjölda sem kemur inn á heimilið.  Sem áður verða reglur endurskoðaðar út frá tilmælum sóttvarnaryfirvalda.“

  • Að hámarki mega 1-2 aðstandendur heimsækja hvern íbúa í einu á hverjum degi.  Undanþága er aðeins veitt ef um mikil veikindi er að ræða en þá þarf að fá leyfi frá hjúkrunarforstjóra eða deildarstjóra hjúkrunar.  Fjölskyldur þurfa sjálfar að koma sér saman um hver það er sem kemur.
  • Gestir þurfa að skrá nafn sitt í gestabók við inngang
  • Þvo þarf hendur þegar komið er í hús og spritta og sinna persónlegu hreinlæti
  • Heimsóknir skulu fara fram á einkarými íbúa eða utanhúss, halda skal fjarlægð við aðra íbúa en sinn eigin aðstandanda og passa upp á að snertifletir sé sem fæstir.  Þetta þýðir m.a að gestir skulu ekki stoppa við í setustofu eða matsal Hraunbúða heldur fara beint inn á herbergi íbúa.
  • 2 metra reglan er í gildi hvað varðar alla aðra en þann aðstandenda sem heimsóttur er en þá er það valkvætt.  Þetta gildir bæði hvað varðar starfsfólk Hraunbúða og annað heimilisfólk.
  • Heimsóknir eru heimilaðar á tímabilinu 13-17:30

Áfram gilda einnig eftirfarandi reglur:

  • Að gestir komi EKKI í heimsókn til íbúa í 14 daga frá komu til landsins
  • Að gestir komi EKKI í heimsókn ef minnstu einkenni um kvef, flensulík einkenni, magakveisu, höfuðverk , beinverki eða slappleika eru til staðar

Nýjustu fréttir

Sjávarútvegur
Sjáv­ar­af­urð­ir: Ágæt­is aukn­ing í fe­brú­ar
Sjávarútvegur
Eyjarnar landa í Þorlákshöfn
Aðsend grein
Þarftu að fara á fund?
Kynning
Hljómey – Klara Einars mætir
Aðsend grein
Gildin sem móta okkur
Aðsend grein
Til Sjálfstæðismanna
Íþróttir
ÍBV með mikilvægan sigur gegn Fram
Íþróttir
Hlynur bætti Íslandsmetið í hálfmaraþoni
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.