Hluthafar í Vinnslustöðinni hf. (VSV), bræðurnir Guðmundur og Hjálmar Kristjánssynir, birtu öðrum hluthöfum og Eyjamönnum öllum opið bréf í Fréttum í síðustu viku og kölluðu það „hina hliðina á deilum innan VSV“. Nokkur atriði þar kalla á athugasemdir af hálfu okkar, fyrr­verandi og núverandi stjórnarmanna og framkvæmdastjóra VSV, önnur ekki. Ekkert er til dæmis að athuga við lýsingu þeirra á kaupum heimamanna á meirihluta hlutafjár í VSV af Olíufélaginu og tengdum aðilum árið 2002.