Eyjamenn sáu aldrei til sólar í oddaleik liðsins gegn FH-ingum í kvöld. FH náði fljótlega góðri forystu, komust til að mynda í 8-3.

ÍBV náði þegar best lét að minnka muninn í 2 mörk en lengra komust þeir ekki. FH-ingar juku smá saman muninn þegar leið á leikinn og þegar flautað var til leiksloka höfðu Hafnfirðingar gert 34 mörk, en Eyjaliðið 27.

Elmar Erlingsson skoraði fimm mörk og var markahæstur hjá ÍBV ásamt Kára Kristjáni Kristjánssyni. Liðið er því úr leik eftir hetjulega baráttu. Í kvöld virtist samt lítið eftir á tanknum eftir tvo ótrúlega leiki þar á undan.