Jólafundur Aglow verður í kvöld, 4. desember kl.19.30 í safnaðarheimili Landakirkju. Það hefur ríkt eftirvænting fyrir þessum fundi. Við komum saman í fögnuði og hlustum á og finnum fyrir snertingu jólanna. Það verður mikið sungið og er það hátíðlegt að syngja saman jólasöngva. Boðið verður upp á fjölbreytt söngatriði, einsöng, tvísöng og svo syngjum við öll saman, segir í tilkynningu frá stjórn Aglow.

Vera Björk Einarsdóttir les jólasögu. Í lok fundar mun kirkjukór Landakirkju undir stjórn Kittýar syngja fyrir  okkur og svo endum við saman á að syngja Heims um ból.

Ræðumaður kvölsins verður sr. Sunna Dóra Möller og er það okkur mikill heiður að fá hana til okkar, en hún starfar núna sem afleysingarprestur í Landakirkju. Sr. Sunna Dóra er fædd 1975 og upp­al­in í Árbæj­ar­hverf­inu í Reykja­vík. Hún lauk embætt­is­prófi frá guðfræðideild Há­skóla Íslands í fe­brú­ar 2011 og hef­ur starfað sem prest­ur frá ár­inu 2012, fyrst sem æsku­lýðsprest­ur við Ak­ur­eyr­ar­kirkju, eft­ir að hafa verið æsku­lýðsfull­trúi þar í tvö ár á und­an, og svo við Hjalla­kirkju í Kópa­vogi, sem sam­einaðist síðar Digra­nes­kirkju.

Hvernig hugleiðum við boðskap jólanna um Jesú sem fæddist í þennan heim fyrir margt löngu. Hann óx og dafnaði, dó á krossi og reis upp frá dauðum. Við getum átt samfélag við hann í dag og hann býður okkur til sín.  Hugsum um og hugleiðum orðin í Jóhannesarguðspjalli 1.9;           Hið sanna ljós, sem upplýsir hvern mann, kom nú í heiminn.

Fundurinn byrjar klukkan 19.30 með veitingum og fundurinn byrjar kl. 20.00. Á  jólafundinn eru allir velkomnir, konur og karlar. Fyrsti fundurinn á nýju ári verður miðvikudaginn 8. janúar.

Gleðileg jól og megi innihald jólanna verða raunverulegt í lífi okkar allra.

Stjórn Aglow í Vestmannaeyjum