Slysavarnafélaginu Landsbjörg hefur borist góð gjöf frá Grími kokki ehf en um er að ræða hálft tonn af framleiðsluvörum fyrirtækisins. Vörurnar skulu nýttar í stærri aðgerðum, leitum, æfingum, fundum eða hvenær sem björgunarsveitafólk þarf á hollri og góðri næringu að halda. Helstu framleiðsluvörur Gríms eru plokkfiskur og humarsúpa. Með gjöfinni vill Grímur kokkur og hans fólk þakka björgunarsveitafólki um land allt fyrir óeigingjarnt starf í gegnum árin og fyrir að vera tilbúið til að fara af stað í allskyns veðri til að aðstoða samborgara sína.