Leik ÍBV og Stjörnunnar, sem átti að fara fram á fimmtudaginn 31. maí, hefur verið flýtt til þriðjudags. Þetta er gert þar sem úgönsku leikmennirnir í liði ÍBV, þeir Tonny Mawejje og Abel Dhaira, eru á leið í landsliðsverkefni með Úganda og verða því ekki á landinu eftir viku. Þeir leikmenn sem hafa verið á sjúkralista hjá ÍBV hafa smátt og smátt verið að byrja að æfa á ný og er jafnvel búist við að þeir Tryggvi Guðmundsson og Gunnar Már Guðmundsson verði í leikmannahópnum í leiknum gegn Stjörnunni.