Óhætt er að segja að fasteignamarkaðurinn í Eyjum byrji með látum í byrjun árs. Þetta staðfestir m.a Halldóra fasteignasali í nýlegu viðtali við Eyjafréttir. Veltan hefur verið óvenjulega mikil m.v árstíma og hafa nú þegar verið sett nokkur sölumet.
- Dýrasta íbúðin í Foldahrauni / Áshamri (ekki nýbygging ) seld á 46.000.000kr
Áshamar 65
- Dýrasta 100 -110fm íbúðin seld á 79.000.000kr
Vesturvegur 5
- Dýrasta 120 -130fm íbúðin seld á 87.000.000kr
Strandvegur 30
- Næst dýrasta húsið selt á 137.600.000kr
Vestmannabraut 33
•Skv. fastinn.
Erfitt er að finna eina ástæðu sem getur verið að valda þessu en líklegt verður að teljast að eftirfarandi atriði eigi sinn þátt í þessari uppsveiflu.
- Lækkun vaxta , stýrivextir hafa lækkað um 1.25% síðan að vaxtalækkunarferli Seðlabanka Íslands hófst í byrjun október.
Stór hópur kemst nú í gegnum greiðslumat.
- Seðlabankastjóri hefur gefið í skyn að létt verði á kröfum fyrir fyrstu kaupendur innan skamms.
- Aukin fólksfjölgun, íbúafjöldi hefur ekki verið meiri í 29 ár.
- Mestu efnahagsumsvif í Vestmannaeyjum frá upphafi.
- Aukin bjartsýni, væntingavísitala aldrei hækkað jafn mikið.
Fróðlegt verður að fylgjast með framhaldinu en sögulega hefur eftirspurn eftir húsnæði aukist í Eyjum með hækkandi sól.
Jóhann Halldórsson
