Loðnan finnst, hún er þarna
Sigurgeir Brynjar Kristgeirsson, framkvæmdastjóri Vinnslustöðvarinnar

Veru­leg von­brigði eru meðal loðnu­út­gerða yfir að ekki hafi fund­ist næg loðna til að Haf­rann­sókna­stofn­un sjái ástæðu til að auka út­gefna ráðgjöf fyr­ir loðnu í kjöl­far loðnu­leiðang­urs fimm skipa sem lauk á mánu­dag. Ráðgjöf stofn­un­ar­inn­ar stend­ur því óbreytt í 22 þúsund tonn­um og bend­ir allt til þess að afla­mark í loðnu verði veitt er­lend­um skip­um þar sem mynd­ast hef­ur skuld við er­lend ríki vegna alþjóðlegra skuld­bind­inga við önn­ur strand­ríki, svo sem með Smugu­samn­ingn­um við Norðmenn.

„Það þarf ekk­ert að velta því fyr­ir sér, það er búið að eyðileggja þenn­an markað,“ seg­ir Sig­ur­geir Brynj­ar Krist­geirs­son, eða Binni, fram­kvæmda­stjóri Vinnslu­stöðvar­inn­ar í Vest­manna­eyj­um, í samtali við mbl.is spurður um áhrif­in á markaðina fyr­ir loðnu og loðnu­hrogn ef fer sem horf­ir. Hann seg­ir markaðina al­gjör­lega tóma eins og stend­ur. „Þetta er ekki bara tjón í ár. Þetta er risa­tjón inn í framtíðina.“

Mat­væla­fram­leiðend­ur leiti á önn­ur mið
Hann seg­ir stöðuna sér­stak­lega slæma ef loðnan dett­ur al­farið af markaði því þá munu fram­leiðend­ur aðlaga sig breytt­um aðstæðum og með því að fjár­festa í ann­arri mat­væla­fram­leiðslu. „Verk­smiðjur með sér­hæf­ingu og þekk­ingu á að áfram­vinna loðnu – þessu verður öllu lokað á end­an­um og menn fara í eitt­hvað annað.“

Ef loðna kem­ur aft­ur á markað síðar tel­ur Binni ekki lík­legt að fram­leiðend­ur grípi til kostnaðarsamra fjár­fest­inga í þeim til­gangi að nýta loðnu á ný.

Loðnu­vinnsla hjá Skinn­ey-Þinga­nes. Ljós­mynd/​Hall­veig Karls­dótt­ir

„Stóra málið er að það er eng­in önn­ur vara í staðinn. Það er eng­in loðna frá öðrum heims­hluta í boði, frá Nor­egi eða Kan­ada. Loðnan fer bara út. Ég hugsa að við á Íslandi séum með um 90% af heims­fram­leiðslu á loðnu, loðnu­hrogn­um og loðnu­af­urðum,“ út­skýr­ir hann og seg­ir gríðarlega erfitt að koma vör­unni á markað aft­ur. Í húfi séu mikl­ar tekj­ur fyr­ir ís­lenskt þjóðarbú.

Þá hef­ur markaðsstöðu loðnu­af­urða verið bjargað af kór­ónu­veirufar­aldr­in­um þar sem lok­un veit­inga­húsa og hót­ela hef­ur dregið úr eft­ir­spurn. Þetta hef­ur gert selj­end­um kleift að varðveita tveggja ára gaml­ar birgðir sem selj­ast hægt og á háu verði. Birgðastaðan er samt sí­fellt að versna og bend­ir flest til þess að birgðirn­ar klárist á þessu ári.

Binni kveðst sann­færður um að loðnu sé að finna í sjón­um um­hverf­is Ísland. „Það ungviði sem þeir mældu er ekki týnt. Það er ekki allt sam­an dautt,“ seg­ir hann og vís­ar til þess að tölu­vert af ung­loðnu fannst við stofn­mæl­ingu loðnu haustið 2019 og voru síðast í haust vís­bend­ing­ar um að á vertíðinni yrði ráðgjöf 170 þúsund tonn. „Loðnan finnst, hún er þarna.“

Nýjustu fréttir

Menntamál
Alls útskrifuðust 45 nemendur frá FÍV af sex brautum
Fréttir
Kraftmikil önn og árangur nemenda í forgrunni
Úr blaði Eyjafrétta
Halli Geir Evrópumeistari í sjómanni  
Úr blaði Eyjafrétta
Sjórinn var aldrei í plönunum, segir Sigurhanna
Fréttir
Sjómannadags fjör í Höllinni: myndasyrpa
Mannlíf
Myndir frá sjómannafjöri á bryggjunni
Áhugavert
Skötuveisla sem stendur undir nafni
Íþróttir
Íþróttafélagið Ægir fór í keppnisferð til Danmerkur
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.