Aðalfundur Vinnslustöðvarinnar hf. í Vestmannaeyjum sl. föstudag, 28. júní, samþykkti að boða til framhaldsaðalfundar 29. júlí nk. til að staðfesta reikninga félagsins. Aðalfundarstörfin nú voru að ýmsu leyti óvenjuleg vegna dóms Hæstaréttar Íslands frá 26. mars 2013, þar sem ógilt var ákvörðun hluthafafundar í félaginu í september 2011 um samruna Ufsabergs-útgerðar ehf. og Vinnslustöðvarinnar hf.