Mikill áhugi á Eyjagöngum

Eyjafréttir
·
Áhugavert
·
16. janúar 2026

Stjórn Eyjaganga kynnti stöðu verkefnisins, fyrirhugaðar jarðrannsóknir og næstu skref á fjölmennum fundi í Höllinni

Tryggvi Már

Sæmundsson

Opinn kynningarfundur Eyjaganga ehf. var haldinn í Höllinni í gærkvöldi og var fundurinn vel sóttur. Þar kynnti stjórn félagsins stöðu verkefnisins, fyrirhugaðar jarðrannsóknir og næstu skref. Fundinum lauk með fyrirspurnum úr sal og var ljóst af umræðunum að mikill áhugi er meðal Eyjamanna á verkefninu.

Staða verkefnisins og tímalína kynnt

Stjórn Eyjaganga ehf. fór yfir hvar verkefnið stendur í dag og sýndi tímalínu yfir fyrirhugaðar rannsóknir. Samkvæmt kynningunni er gert ráð fyrir að jarðgöng milli lands og Vestmannaeyja verði um átján kílómetra löng. Gert er ráð fyrir að þau taki land við bæinn Kross í Landeyjum og nái niður á um 220 metra dýpi undir sjávarmáli, þar sem talið er að hægt sé að komast í fast berg.

Á Heimaey er áætlað að göngin komi upp undir Klifið og tengist gatnakerfi Vestmannaeyjabæjar rétt sunnan við Friðarhöfn. Fyrstu áfangar rannsóknanna felast í borun kjarnahola, annars vegar í Vestmannaeyjum og hins vegar í Landeyjum. Að þeim loknum taki við frekari rannsóknir og greiningar áður en ákvörðun verður tekin um framhaldið.

Kostnaðarsamt en arðbært verkefni

Fram kom í kynningu stjórnarmanna að ljóst væri að framkvæmd af þessari stærðargráðu yrði kostnaðarsöm. Þrátt fyrir það telja þeir að arðsemi verkefnisins geti orðið ágæt til lengri tíma litið. Einnig kom fram að fjármögnun verkefnisins hafi gengið vel og að góður meðbyr hafi verið með verkefninu frá upphafi.

Fjölmenni og spurningar úr sal

Fjórir af fimm stjórnarmönnum Eyjaganga ehf. kynntu verkefnið á fundinum. Það voru bræðurnir Árni Sigfússon og Gylfi Sigfússon, auk Haraldar Pálssonar, framkvæmdastjóra félagsins og Ívars Atlasonar. Fimmti stjórnarmaðurinn, Ingunn Jónsdóttir, komst ekki til Eyja í tæka tíð vegna samgöngutruflana. Auk þeirra tók Íris Róbertsdóttir til máls á fundinum en Vestmannaeyjabær lagði 30 milljónir í félagið.

Fundinum lauk með fyrirspurnum úr sal og sköpuðust líflegar umræður. Ljóst var að verkefnið vekur bæði áhuga og spurningar meðal íbúa, og var fundurinn liður í því að upplýsa Eyjamenn um stöðu mála og halda áfram opnu samtali um næstu skref. Fleiri myndir frá fundinum má sjá hér að neðan.

Nýjustu fréttir

Áhugavert

Segja forsendur útboðs heilsuræktar hafa breyst verulega

Íþróttir

ÍBV tekur á móti ÍR

Áhugavert

Óvenjulegar eignfærslur og tafir á afhendingu gagna

Fréttatilkynning

Opið hús hjá Krabbavörn

Áhugavert

Fermingar á næsta leyti

Áhugavert

Bent kemur fram á Hljómey!

Fréttir

Skyndihjálparnámskeið hjá Visku um helgina

Minning

Útför: Einar Birgir Sigurjónsson

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Staða verkefnisins og tímalína kynnt

Kostnaðarsamt en arðbært verkefni

Fjölmenni og spurningar úr sal

Nýjustu fréttir

Góð ráð fyrir siglingu

Sjóveiki