- Eyjafréttir
- ·
- Fréttir
- ·
Nauðsynlegt að ráðast í viðgerðir á þakinu
Á fundi framkvæmdar og hafnarráðs í vikunni voru lagðar fram teikningar vegna þakleka á sundlaugargangi í íþróttahúsi. Þar kom fram að hefja þarf framkvæmdir sem fyrst til að koma í veg fyrir frekara tjón. Ljóst er að verkið er umfangsmikið en ekki hafði verið gert ráð fyrir því í fjárhagsáætlun vegna ársins 2019.
Ráðið samþykkir að nauðsynlegt er að ráðast í viðgerðir á þakinu og óskar eftir því við bæjarstjórn að veitt verði aukafjárveiting að upphæð 55 milljónir króna á árinu 2019.
