Nýsköpun, markaðssetning og framtíðin

Þriðjudaginn 12. febrúar var Siglfirðingurinn Róbert Guðfinnsson með gríðarlega áhugavert erindi í Þekkingarsetri Vestmannaeyja.  Mikill áhugi var fyrir erindi Róberts, enda mættu á fimmta tug í Setrið til að hlýða á erindið.  Yfirskrift erindisins var Nýsköpun, markaðssetning og framtíðin.

Erindi sínu skipti Róbert í 3 hluta:  vörumerki, líftækni og fiskeldi.  Meðan á erindinu stóð svaraði hann spurningum úr sal.

Róbert tók dæmi um vel heppnaðar aðgerðir í markaðssetningu í heiminum og tengdi það við íslenskan sjávarútveg. Einnig fjallaði hann um áhugaverða nálgun sem fyrirtæki á Íslandi hefur farið í markaðssetningu og vörumerkjastjórnun (e. branding) á sjávarafurðum og ný tækifæri sem eru að skapast með aukinni upplýsingamiðlun.  Miklar breytingar eru að eiga sér stað í markaðssetningu sjávarafurða að mati Róberts.

Nýsköpun var rauði þráðurinn í erindinu og tengdi Róbert með skýrum hætti umhverfi nýsköpunarverkefna og fjármagn sem þarf til slíkrar starfsemi.

Róbert ræddi reynslu sína úr líftækni og hvaða innviðir þurfa að vera í samfélögum til að slík starfsemi geti þrifist og það hvernig hægt er að tengja vörur og þjónustu við sveitarfélög í markaðssetningu.  Lífsgæði í samfélögum eru ofarlega í huga Róberts.  Svo fyrirtæki geti blómstrað og vaxið, að mati Róberts, þarf góð lífsgæði fyrir íbúa. Róbert hefur lagt mikið upp úr þessu í sinni atvinnuuppbyggingu á Siglufirði.

Hann ræddi um nýja hluti sem eru að gerast í líftækni, m.a. nýjar afurðir sem geta mögulega komið í stað hefðbundins hráefnis í fiskeldi s.s. fiskimjöl og lýsi.

Að lokum setti Róbert fram spennandi hugmyndir um úthafsfiskeldi og hvatti Eyjamenn til að skoða möguleika á slíku eldi í kringum Vestmannaeyjar. Að hans mati geta Vestmanneyjar orðið þjónustumiðstöð fyrir slíka starfsemi.

Hægt verður að lesa viðtal við Róbert í næsta tölublaði Eyjafrétta sem kemur út miðvikudaginn 20.febrúar.

Nýjustu fréttir

Fréttatilkynning
Sýningin Geological Rhapsody opnar á morgun
Fréttatilkynning
Nýtt fyrirkomulag í Uppbyggingarsjóði Suðurlands
Fréttir
Íþróttahátíð ÍBV í kvöld
Bæjarmálin
Bærinn niðurgreiðir heimsendan mat um 53%
Áhugavert
Sigurður Guðmundsson á Hljómey í ár
Áhugavert
Jákvæðar umræður um Eyjagöng á Hvolsvelli
Myndband
Eyjakona og drottning íslenskrar knattspyrnu
Myndband
Bæjarstjórnarfundur í beinni
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.