ÍBV vann í dag öruggan sigur gegn Þór á heimavelli þeirra síðarnefndu í Lengjudeild karla. Sverr­ir Páll Hjaltested kom ÍBV yfir á 29. mín­útu. Oli­ver Heiðars­son kom svo liðinu í 2-0 á 49. mínútu.  Sverr­ir Páll var hvergi nærri hættur og bætti við þriðja markinu í uppbótartíma. Lokatölur 0-3 á Vís-vellinum.

Með sigrinum komst ÍBV upp í annað sæti deildarinnar með 25 stig, sex stig­um á eft­ir toppliði Fjöln­is. Í næstu um­ferð fær ÍBV Njarðvík í heim­sókn og fer sá leikur fram um næstu helgi – á Þjóðhátíð. ÍBV og Njarðvík eru með jafn mörg stig í öðru og þriðja sætinu.