ÍBV vann nokkuð sannfærandi sigur á Fylki í 5. umferð Pepsídeildar kvenna í kvöld en liðin áttust við á Hásteinsvellinum. Kristína Erna Sigurlásdóttir kom ÍBV yfir á 28. mínútu og var það eina markið í fyrri hálfleik. Eyjastúlkur áttu ein þrjú skot sem höfnuðu í stöng áður en Anna Þórunn Guðmundsdóttir skoraði annað marki úr vítaspyrnu á 80. mínútu. Það var hins vegar þriðja og síðasta mark ÍBV sem var skemmtilegast því bakvörðurinn Svava Tara Ólafsdóttir gerði sér lítið fyrir og skoraði beint úr hornspyrnu.