Eins og í síðustu viku þá var frekar rólegt hjá lögreglu í vikunni sem leið og ekkert sem upp kom sem telst til stórtíðinda. Eins og fram kom í sl. viku þá hefur lögreglan verið með sérstakt umferðareftirlit í samstarfi við Ríkislögreglustjórann og Vegagerðina og var töluverður fjöldi ökutækja stöðvaður við eftirlitið. Einhverjir ökumenn fengu kærur vegna brota á umferðarlögum. Meirihluti þeirra ökumanna sem haft var tal af voru til fyrirmyndar og þurfti lögregla ekki að gera athugasemdir við hegðun þeirra í umferðinni.