„Nú liggur vel á mannskapnum. Við erum að landa úr Kap í þriðja sinn frá því makrílvertíðin hófst og  Huginn er væntanlegur til löndunar í annað sinn.

Mjög fínn og fallegur fiskur sem berst okkur.

Þegar svona gengur tekur sig upp sjö mánaða gamalt bros eða frá því við vorum í síldarvinnslu í fyrra!“ segir Benóný Þórisson framleiðslustjóri uppsjávarsviðs Vinnslustöðvarinnar.

Kap kom sem sagt til hafnar á þjóðhátíð Íslendinga með 415 tonn af makríl og þá þegar var farið að landa aflanum og vinna hann.

Huginn var kominn með 300 tonn í morgun og kemur til löndunar í kvöld.

Af vef Vinnslustöðvarinnar.