„Ég byrjaði hjá Laxey í ágúst í fyrra. Áður rak ég vínbar í tæp þrjú ár, var framkvæmdastjóri Gríms kokks og vann hjá Fiskistofu þar á undan. Auk þess hef ég setið í bæjarstjórn í tæp sex ár,“ segir Jóna Sigríður Guðmundsdóttir, verkefnastjóri fjármálasviðs.

„Það er mjög spennandi að fá að vera með í svo stórri uppbyggingu. Verkefnin eru fjölbreytt og alltaf eitthvað nýtt til að takast á við. Starfið er áhugavert, vinnuaðstaða til fyrirmyndar og ekki skemmir hvað samstarfsfólkið er lifandi og skemmtilegt, það er margt að gerast,“ segir Jóna Sigga eins og hún er kölluð dagsdaglega.