- Eyjafréttir
- ·
- Fréttir
- ·
Stefnt að því að bjóða út hönnun á nýrri ferju fyrir páska
Í gær var haldinn fundur hjá stýrihóp um samgöngumál Vestmannaeyja í húsakynnum Siglingastofnunnar í Kópavogi. Upphaflega átti fundurinn að fara fram í Eyjum í vikunni, en þar sem ekki var flogið til Eyja í gær var ákveðið að færa fundinn á fastalandið.
„Þetta var mjög upplýsandi fundur fyrir mig. Við vorum ekki bara að ræða um Landeyjahöfn heldur einnig um nýtt skip. Það er ljóst að þeir sem sátu þennan fund og koma að samgöngumálum Vestmannaeyja vinna að málinu af fullum krafti og vilja koma samgöngum í lag,“ segir Friðfinnur Skaftason, formaður stýrihóps um samgöngumál Vestmannaeyja.
