Svava Tara hjá Sölku um það sem er framundan

Tískuvöruverslunin Salka er ávallt með puttann á púlsinum þegar kemur að tískunni. Við hjá Eyjafréttum fengum að skyggnast aðeins inn í hvað hefur verið vinsælt nú í vetur og hvað er framundan hjá þeim. Við ræddum við Svövu Töru eiganda Sölku.

Svava Tara telur það ómissandi yfir vetrartímann að eiga góða kápu eða pels. ,,Hlý falleg ullar kápa sem er hægt að nota hversdags og spari. Einnig pels, hvort sem það er alvöru eða gervi, bara að hann sé hlýr í vetrarkuldanum, það má líka nota pelsa hversdags!“

Vor- og sumartískan nálgast

Svava segir að þau munu fljótlega fara að fá vor- og sumartískunna til sín, en þau munu halda þeim merkjum sem þau eru nú þegar með enda virkilega flott og vönduð merki. ,,Sumarið verður meira í jarðtóna litum en áður. Grænn litur verður áberandi ásamt brúnum og svörtum. Auðvitað koma glaðlegir litir inn á milli eins og rauður, bleikur og blár. Bundnar skyrtur, pils, kjólar og hör buxur verður áfram vinsælt.”

Þegar kemur að herrafatnaðinum verður mikil áhersla á þægindi. Úrval af teygjanlegum buxum og teygjanlegum jakkafata jökkum. Polo bolir verða áberandi með skemmtilegum mynstrum.

Hvernig myndir þú lýsa þínum persónulega stíl?

,,Minn persónulegi stíll er svolítið allskonar, fer bara bara eftir skapinu. Getur verið stelpulegur og þá eru það síðir kjólar og strigaskór, einnig töffaralegur eins og leðurjakki og grófir skór. En fyrst og fremst er hann þæginlegur, föt sem láta mér líða vel. Einnig á fataskápurinn það til að vera frekar blár, enda er það litur sem fer flestum. Reyni helst að vera aldrei í öllu svörtu, þó að það komi nú alveg fyrir.“

Nýjustu fréttir

Goslok
Goslok: dagskrá föstudags
Áhugavert
Fyrsta tölublað Eyjafrétta sem kemur eingöngu út á vefnum
Menning
Þórir Baldursson í Eldheimum í kvöld
Herjólfur
Umferðin tók vel við sér í júní
Áhugavert
Heldur flatur Heimaklettur og fleiri fletir í Pálsstofu á Goslokahátið
Ritstjórn
Samfélag í sókn þarf samgöngur sem duga
Aðsend grein
Ábyrgð í verki: Vestmannaeyjabær styður við verðbólgumarkmiðið
Stjórnmál
Bæjarstjórn fundar í dag – samgöngur, lögreglumál og vinnuskólinn á dagskrá
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.