Menningarráð Suðurlands úthlutaði í gær styrkjum í annað sinn á þessu áru en athöfnin fór fram á Veiðisafninu á Stokkseyri. Alls bárust 59 umsóknir og var sótt um 63 milljónir. 36 fengu styrk að þessu sinni að upphæð samtals um ellefu milljónir. Fyrr á þessu ári hafði Menningarráð veitt 67 aðilum styrki að upphæð 20,6 milljónir króna. Hæstu styrkina að þessu sinni fengu Anna S. Árnadóttir með verkefnið HUX, lista og tungumálamiðstöð, og Alvarlega félagið ehf. með verkefnið Ferjustaður en hvor um sig fékk 700 þúsund krónur. Heildarlista styrkþega má sjá hér að neðan.