TESLA-dagur við Tölvun í dag

Tölvun heldur fyrsta TESLA daginn í Eyjum á morgun fimmtudaginn 26.maí milli kl 13.00 og 16.00. Tölvun og fulltrúar TESLA á Íslandi munu verða með fjóra rafbíla af gerðunum Model 3 og Model Y við Tölvun og Pósthúsið og bjóða gestum og gangandi upp á reynsluakstur í langvinsælustu rafbílunum sem framleiddir eru í dag.

Hægt er að skrá sig í prufuakstur á slóðinni:ttps://www.tesla.com/event/testdrivevestmannaeyjum …eða bara kíkja við á Strandveginn. „Eins og frægt er orðið þá auglýsir  fyrirtækið TESLA alls ekki. Ég er hinsvegar mikill áhugamaður um orkuskiptin og hina hreinu náttúru Eyjanna og langar að koma á framfæri þessum upplýsingum.

Frá því að Tölvun kom með fyrstu Tesluna til Eyja í mars 2020 hefur fjöldi slíkra rafbíla stóraukist hér sem annars staðar á landinu Í dag eru u.þ.b. 25 Teslur í Eyjum og nokkrar á leiðinni en TESLA á Íslandi hefur átt erfitt með að anna eftirspurn. Eyjamenn hafa tekið vel við sér í rafbílavæðingunni og ég segi nú bara “ef ekki hér í Eyjum, hvar þá?”    … ætti fólk að nota rafbíla.“

Davíð segir að samkvæmt tölum Samgöngustofu eru skráðir 93 rafmangsbílar á Eyjunni grænu og 276 tengiltvinn bílar, en heildarfjöldi bifreiða er 2.651, þannig að við eigum samt töluvert langt í land. „Helst setja men fyrir sig hleðslu- og drægnikvíða, en hér þarf enginn að óttast það að verða rafmagnslaus. Tölvun hefur frá árinu 2020 boðið ferðalöngum jafnt sem heimamönnum upp á fría hleðslu á 3 hleðslustöðvum við Strandveg 50.“

Vestmannaeyjabær hefur boðið upp á eina fría stöð við Hótel Vestmannaeyjar auk þriggja Teslustöðva við afgreiðslu Herjólfs og í lok árs 2020 fékk Vestmannaeyjabær styrk upp á 6milljónir til að koma upp hleðslustöðvum við 7 af stofnunum bæjarins. Þess má geta að Tölvun hefur á eigin kostnað sett upp sínar stöðvar.

„Þá eru þónokkrar hraðhleðslustöðvar á leiðinni milli Landeyja og Reykjavíkur. Má þar nefna Hveragerði, Selfoss, Hellu og Hvolsvöll.

Á Hvolsvelli eru komnar upp 3, af 8 ofurhraðhleðslustöðvum (250kW) frá TESLA og finna má slíkar stöðvar á Klaustri, Höfn, Egilsstöðum, Akureyri, Staðarskála og í höfuðborginni.

Á uppstigningardaginn er því tilvalið að lyfta sér upp og skoða nýjustu tækni í rafbílavæðingunni óumflýjanlegu,“ sagði Davíð og býður alla velkomna.

 

Nýjustu fréttir

Aðsent
Líf og fjör á Suðurlandi: Barnamenningardagar framundan
Úr blaði Eyjafrétta
Tanja er íþróttamaður mánaðarins
Áhugavert
Tannverndarvika
Fréttir
Gyllta flóran frá Féló vann Stíl 2026
Áhugavert
Útboð Vestmannaeyjabæjar um heilsurækt aftur til kærunefndar
Myndband
Myndband frá höfninni: Steðji VE landar
Aðsend grein
Að loknu prófkjöri
Úr blaði Eyjafrétta
Bærinn eignfærir lögfræðikostnað  
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.