Það er að sjálfsögðu vilji okkar að mannlífið sé gott í miðbænum

Í gær greindu Eyjafréttir frá því að Jóhann Guðmundsson einn af eigendum The brothers brewery hafi sótt um fyrir hönd fyrirtækisins eftir stækkun á lóð þeirra við Bárustíg 7 til norðurs í samræmi við meðfylgjandi mynd. Þar sem er merkt með rauðu er sú stækkun sem óskað var eftir. „Það er ljóst að sú starfsemi sem verður í húsnæðinu að Bárustíg 7 kallar nú eftir frekari afþreyingu fyrir fullorðna utanhús á meðan að þörfin fyrir bílastæði í miðbænum hefur fækkað gríðarlega við þessa breytingu. Einnig eru fjöldin af ónýttum bílastæðum í innan við 50m radíus frá þessu svæði. Við óskum þar af leiðandi eftir þessari lóð sem verður þá breytt í afþreyingarsvæði fyrir börn og fullorðna með leiktækjum, en hugmyndin er að setja upp stóra útgáfu af jenga og stóra útgáfu af tengja fjóra í röð ásamt því að vera með svæði til að njóta þeirrar menningar sem að The Brothers Brewery hefur búið til á síðustu árum.”

Jóna Sigríður Guðmundsdóttir formaður Umhverfis- og skipulagsráðs

Við munum skoða með þeim önnur möguleg svæði
Niðurstaða skipulagsráðs var hinsvegar ekki jákvæð. “Ráðið getur ekki orðið við erindinu. Ráðið telur mikilvægt að ekki verði fækkað bílastæðum í miðbænum. Ráðið felur byggingarfulltrúa og formanni Skipulagsráðs að ræða við eigendur,” segir í bókun
Jóna Sigríður Guðmundsdóttir formaður Umhverfis- og skipulagsráðs sagði í samtali við Eyjafréttir að vöntun væri á bílastæðum í miðbænum og því var þetta niðurstaða ráðsins „Eins og fram kom í niðurstöðu ráðsins við innsendu erindi þá var ekki hægt að verða við því eins og það var sett fram. Á því svæði sem sótt er um breytingu á eru sex bílastæði og þrjú af þeim mundu því frá hverfa. Þau þrjú bílastæði sem eftir eru yrði líklega ekki hægt að nota þar sem um leiksvæði fyrir börn er að ræða. Vöntun er á bílastæðum í miðbænum og því varð þetta niðurstaða ráðsins. Einnig kom fram í niðurstöðu ráðsins að byggingarfulltrúi og formaður ráðsins munu funda og ræða við eigendur. Við munum skoða með þeim önnur möguleg svæði í nágrenninu fyrir slík leiktæki. Það er að sjálfsögðu vilji okkar að mannlíf sé gott í miðbænum og þess vegna viljum við endilega funda með þeim og finna aðra lausn,“ sagði Jóna Sigríður.

Nýjustu fréttir

Aðsend grein
Samgöngur við Vestmannaeyjar – framtíðarsýn eða bráðabirgðalausnir?
Íþróttir
Atli Steinn Arnarson semur við ÍBV
Áhugavert
World Class mun rísa samhliða búningsklefunum
Úr blaði Eyjafrétta
Skvísubúðin fagnar vori og sumri með fjölbreyttu vöruúrvali 
Íþróttir
Stelpurnar æfa af krafti fyrir úrslitakeppnina
Aðsend grein
Vestmannaeyjar – staður þar sem fjölskyldan blómstrar
Fréttir
Sólarupprás og helgistund markaði páskadag í Eyjum
Aðsend grein
Borgarlína eða lífæð? Við erum að velja vitlaust
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.