Þjóðhátíð Vestmannaeyja var sett laust fyrir klukkan 15 í dag. Venju samkvæmt er það formaður ÍBV-íþróttafélags sem setur hátíðina. Það kom því í hlut Harðar Orra Grettissonar að gera það í ár en hann tók við formennsku í félaginu í vor. Þór Vilhjálmsson flutti í kjölfarið hátíðarræðu og sr. Viðar Stefánsson var með hugvekju.

Halla Tóm­as­dótt­ir, for­seti Íslands, var viðstödd setninguna í Herjólfs­dal en hún tók við embætt­i forseta í gær. Með Höllu í för var eig­inmaður henn­ar Björn Skúla­son og Lilja Al­freðsdótt­ir, menn­ing­ar- og viðskiptaráðherra.  Blíðskaparveður var á setningunni og mik­ill fjöldi fólks var sam­an kom­inn í Dalnum, en í ár fagn­ar Þjóðhátíð 150 ára af­mæli og því sérstaklega mik­ill fögnuður.

Óskar Pétur Friðriksson myndaði það sem fyrir augu bar í Herjólfsdal í dag.