Tónskáldakvöld með Marínu Ósk & Ragnari Ólafssyni
9. maí, 2024
marina_ragnar_ads_min
Marína Ósk og Ragnar Ólafsson hafa bæði starfað lengi og komið víða við á íslenskri tónlistarsenu, en stíga nú út af sínum venjulega heimavelli í tónlist og troða nýja slóð. Ljósmynd/aðsend.

17. maí næstkomandi kl. 21:00 halda Marína Ósk og Ragnar Ólafsson hugljúfa tónleika í Alþýðuhúsinu í Vestmannaeyjum.  

Leikin verða frumsamin lög Marínu og lög Ragnars í bland við þekkta gullmola, að því er segir í tilkynningu frá skipuleggjendum.

Tónskáldin fóru nýlega tónleikaferðalag hringinn og léku á alls 12 tónleikastöðum, við hlýlegar og góðar undirtektir. Nú er komið að Vestmannaeyjum, en Marína á sterk ættartengsl til Eyja.  

Þegar Marína og Ragnar leika saman tónlist blandast heimar djass, rokks og þjóðlagatónlistar. Útkoman er töfrandi og hjartahlý músík sem lætur fáa ósnortna. 

Marína á ættir að rekja til Eyja og mun á tónleikunum spila splunkunýtt og óútgefið lag um ömmu sína, sem var sönn Eyjapía. 

Sérstakir gestir á tónleikunum verða meðlimir í Kirkjukór Landakirkju. Miðaverð 3.500 kr. og húsið opnar 30 mínútum fyrr.

Miðasala á Midix.

Facebook-viðburður.

Mest lesið
viðburðir
Fylgstu með

Skráðu þig á fáðu nýjustu tilkynningar fyrst