Tvö fíkniefnamál á borð lögreglu í síðustu viku
Töluverður erlill var hjá lögreglunni í Vestmannaeyjum í síðustu viku og um helgina vegna ýmsra verkefna. Töluverður fjöldi fólks var að skemmta sér um sl. helgi en engin alvarleg mál komu upp vegna þessa. Aðstoða þurfti þó nokkra vegna ölvunarástands, að því að fram kemur í dagbókarfærslu lögreglunnar. Tvö fíkniefnamál komu upp í vikunni. Í öðru málinu fannst í heimahúsi hjá 20 ára aðila um 9 grömm af maríjúana og gramm af sveppum. Hann viðurkenndi að vera búinn að selja 5 grömm til viðbótar. Í hinu málinu var maður um tvítugt handtekinn en á honum fannst gramm af maríjúana. Hann hefur áður verið kærður vegna sambærilegra mála.
Eitt vinnuslys var tilkynnt til lögreglunnar í vikunni þegar maður slasaðist við flökunarvél þegar hann festi hendina í henni. Ekki reyndist hann mikið slasaður eins og óttast var í fyrstu.
Á miðvikudaginn sl. var tilkynnt að eldur væri laus í húsi við Miðstræti 30. Slökkvilið var fljótt á vettvang og réði niðurlögum eldsins sem var í kjallara húsins. Kallað var eftir aðstoð tæknideildar lögreglunnar á höfuðborgarsvæðinu til rannsóknar á brunanum. Grunur er um íkveikju og leitar lögreglan eftir uppýsingum frá vitnum sem hafi orðið varir við mannaferðir við húsið þennan morgun. Einn aðili býr í húsinu og var hann fjarverandi þegar eldur kom upp.
Tvö skemmdaverk voru tilkynnt til lögreglunnar þessa viku. Í báðum tilvikum var stungið á hjólbarða á tveimur bifreiðum. Annað skemmdaverkið átti sér á fimmtudaginn sl. þar sem bifreiðin var við Bessahraun 8 og hitt sl. laugardag en sú bifreið var við Áshamar 75. Lögreglan leitar vitna af þessum skemmdaverkum og biður þá sem einhverjar upplýsingar geta gefið að snúa sér til lögreglunnar.
Tvö umferðaróhöpp voru tilkynnt til lögreglunnar en bæði minniháttar og án meiðsla á fólki.

Nýjustu fréttir

Íþróttir
Eyjakonur töpuðu heima gegn Breiðablik
Menntamál
Þétt setinn skóli þegar haustönn hefst
Myndband
Heimaklettur í allri sinni dýrð – en gönguleiðin bíður enn úrbóta
Fréttir
Fjögur lið frá ÍBV tóku þátt á Norðurálsmótinu
Íþróttir
Stórleikur á Hásteinsvelli í kvöld
Íþróttir
Þriðji sigur ÍBV í röð kom gegn Stjörnunni
Fólkið
Bergmál á Þingvöllum sló í gegn
Íþróttir
Mikilvæg stig í húfi þegar Stjarnan kemur til Eyja
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.