„Markmiðið með bréfinu var að vekja athygli á því að nauðsynlegt er að stækka höfnina. Fyrirtæki, sem sækja eftir aðstöðu í Þorlákshöfn, kalla á slíkt, en það eru vatnsverksmiðjan, einingarverksmiðjan og hugsanlegt álver,” segir Ólafur Áki Ragnarsson, bæjarstjóri Ölfuss. Ólafur segir að best sé að sameinast um eina almennilega höfn á Suðurlandi, í stað þess að deila kostnaðinum niður á Bakkafjöruhöfn. Mun nær væri að kaupa hraðskreiðari ferju milli Þorlákshafnar og Vestmannaeyja.