Í gærkvöldi voru félagar í Björgunarfélagi Vestmannaeyja ræstir út vegna mjög slæms veðurs. Útihús fauk við Hásteinsveg og þakplötur og klæðningar á húsum í eyjum höfðu losnað. Um 20 félagsmenn Björgunarfélags Vestmannaeyja unnu við að aðstoða beiðnum bæjarbúa.

Samkvæmt vef Pálma Óskarssonar veðurathugunarmanns á Stórhöfða má finna upplýsingar um að mesti vinhraði í vindhviðu hafi verið 48 metrar á sekúndu og var það um kl 20:00 í gærkvöldi. Mesti meðalvindur í 10 mínútur samfleytt var um 38.5 metrar á sekúndu.

Samkvæmt vef Veðurstofu Íslands var veðrið á Stórhöfða klukkan 03:00 austan 29 metrar á sekúndu.

vefur Pálma Óskarssonar:
www.123.is/dj_storhofdi