Day: 24. október, 2007

Listamannsspjall í Listasafni Árnesinga

Laugardaginn 27. október kl. 15 mun hinn frjói og alþýðlegi indverski myndlistarmaðurinn Bonoprosonno ræða við gesti um list sína í kaffistofu Listasafns Árnesinga. (meira…)

Nýr miðbær Hveragerðis á teikniborðinu

Um þessar mundir er unnið að deiliskipulagi fyrir nýjan miðbæ í Hveragerði. Að framkvæmdinni stendur fjöldi lóðareigenda í Þelamörk, Þórsmörk, Breiðumörk og Reykjarmörk. (meira…)

Vilja stækka Hraunið í stað Hólmsheiðar

Fangaverðir á Litla-Hrauni skora á stjórnvöld að fjölga fangelsisplássum á Eyrarbakka, í stað þess að ráðast í stórfellda uppbyggingu á Hólmsheiði í Reykjavík þar sem stendur til að byggja fangelsi með sextíu plássum. Fangaverðirnir segja tuttugu fangapláss yfirdrifið nóg á höfuðborgarsvæðinu. Hin fjörtíu plássin ætti að færa á Litla-Hraun. Slíkt sé hagkvæmara og tryggi góða […]

Aukin Ylrækt

Garðyrkjustöðin Ylrækt í Hveragerði hyggst reisa um 600 fermetra gróðurhús að Gróðurmörk 3. Bæjarráð Hveragerðis úthlutaði fyrirtækinu lóðinni og segir bæjarstjóri umsóknina ánægjulega í ljósi þess að garðyrkjurækt í Hveragerði hefur undanfarin ár verið niður á við. (meira…)

Mæðravernd í gámi á baklóð

Ljósmæður á Heilbrigðisstofnun Suðurlands hafa fengið bráðabirgðahúsnæði fyrir mæðravernd í gámi á baklóð stofnunarinnar. Um er að ræða 20 m2 skrifstofugám með biðstofu, salerni og skoðunarherbergi. (meira…)

Bruni á Hilmisgötu

Eldur kviknaði um kl 16:00 í íbúðarhúsi í miðbæ Vestmannaeyja. Kviknaði í húsi við Hilmisgötu 1 og var húsið mannlaust . Í húsinu býr fjögura manna fjölskylda og var það fyrsta verk hjá slökkviliðinu að kanna hvort einhver væri inni og reyndist svo ekki vera. Eldur stóð út um glugga þegar slökkvilið kom á staðinn.Slökkvistarf […]

Stóð út um glugga þegar slökkvilið kom á staðinn

Rétt eftir klukkan fjögur í dag var tilkynnt um eld í íbúð á miðhæð að Hilmisgötu 1 í Vestmannaeyjum. Enginn var í íbúðinni þegar eldurinn kom upp en eldtungur stóðu út um glugga þegar slökkvilið kom á staðinn. (meira…)

Vinnslustöðin 6 kvótahæsta úrgerðarfyrirtæki landsins

Fiskistofa birtir í gær á vefsíðu sinni stöðu aflaheimilda 100 stærstu útgerða miðað við 18. október, en stofnunin tekur reglulega saman slíkan lista. Sem fyrr eru HB Grandi, Samherji og Brim efstu þrjú fyrirtækin á þessum lista.Vinnslustöðin og Ísfélagið eru á topp 10 listanum í 6. og 8.sæti en Bergur Huginn er 16.sæti. Hluta af […]

Gunnar Heiðar og fleiri ósáttir við Eyjólf?

Norski netmiðillinn Nettavisen ræðir í dag nokkuð um stöðu íslenska landsliðsins í knattspyrnu og hefur eftir íslenskum knattspyrnumönnum í Noregi, að þeir séu ekki ánægðir með árangur liðsins og vilja að Eyjólfur Sverrisson landsliðsþjálfari verði látinn fara. Nettavisen nafngreinir Gunnar Heiðar Þorvaldsson, Indriða Sigurðsson og Ólaf Örn Bjarnason og vitnar í samtöl við þá. Árni […]

Erum við hrædd við jafnrétti?

Jafnréttisráðstefna 24. október í ráðstefnusal Keilis, miðstöðvar vísinda, fræða og atvinnulífs á Reykjanesi og varpað í gengum FS-netið til fræðslumiðstöðva um allt land Markmið ráðstefnunnar er að ræða stöðu jafnréttismála og leiðir til að auka jafnrétt kynjanna á vinnumarkaði. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.