Day: 7. desember, 2009

Reading og Esbjerg hafa komist að samkomulagi

Enska B-deildarliðið Reading og Esbjerg frá Danmörku hafa komist að samkomulagi um að Gunnar Heiðar Þorvaldsson fari á láni til Reading frá og með næstu áramótum. Þetta staðfesti Ólafur Garðarsson, umboðsmaður Gunnars Heiðars, í samtali við Vísi í dag. Hann segir að nú standi yfir samningaviðræður milli Gunnars Heiðars og Reading. (meira…)

Stórsigur hjá stelpunum um helgina

Eyjastúlkur unnu stórsigur í 2. deildinni um helgina þegar stelpurnar sóttu HK heim. Lokatölur urðu 25:38 eftir að staðan í hálfleik hafði verið 10:20. Þetta var jafnframt síðasti leikur ÍBV á þessu ári og ekki hægt að enda á betri nótum en með sannfærandi útisigri. Guðbjörg Guðmannsdóttir var markahæst hjá ÍBV og skoraði átta. (meira…)

Hermann í liði vikunnar hjá BBC, Eurosport og Soccernet

Hermann Hreiðarsson, vinstri bakvörður Portsmouth, er í liði vikunnar hjá BBC, Eurosport og Soccernet eftir frammistöðu sína gegn Burnley um helgina. BBC og Soccernet velja sín eigin lið en hjá Soccernet er farið eftir meðaleinkunn hjá ensku dagblöðunum The Sun, Daily Star, Daily Mirror, Daily Mail, The Times og Guardian. Hermann var með 7,3 í […]

Hvað sjómenn hafa gert þessu fólki er mér óskiljanlegt.

Í greinargerð fjármálaráðuneytis með hinu nýja frumvarpi um sjómannaafsláttinn, segir: ,,Sjómannaafsláttur hefur lengi verið umdeildur og gagnrýni á hann hefur aukist á undanförnum árum af ýmsum ástæðum”. Ég mótmæli þessu harðlega og held því reyndar fram að þessi ,,gagnrýni” komi úr einni átt og frá mjög fámennum hópi. Þessi hópur heldur til í 101 hverfinu […]

Samgönguráðherra svarar ekki bæjarstjóra

Bæjarstjóra Vestmannaeyja, Elliða Vignissyni gengur illa að fá svör frá Samgönguráðuneytinu varðandi fækkun ferða. Elliði sendi fyrirspurn á ráðuneytið 3. desember og ítrekaði sendinguna nú, fjórum dögum síðar enda hefur ekkert svar borist enn. Samkvæmt póstinum, sem einnig var sendur á alla þingmenn kjördæmisins, þá er þetta í þriðja sinn sem ráðuneytið svarar ekki fyrirspurn […]

Íbúum Vestmannaeyja fjölgað um 53 á einu ári

Samkvæmt upplýsingum frá Áka Heinz Haraldssyni, manntalsfræðingi Vestmannaeyjabæjar, var íbúafjöldi Vestmannaeyja 1. desember síðastliðinn samtals 4.143. Er það fjölgun um 53 íbúa frá 1. desember 2008, en þá voru þeir 4.090. (meira…)

Tvo daga í viku væri okkur bannað að aka Reykjanesbrautina

Alveg er það með ólíkindum hvernig stjórnvöld láta sér alltaf detta í hug að skerða þjónustana við landsbyggðina. Vestmannaeyingar hafa barist áratugum saman fyrir því að fá bættar samgöngur milli lands og Eyja. Furðulegt er að nú skuli aðilum detta í hug að skerða þjónustuna í siglingum milli lands og Eyja. Það gengur ekki annað […]

Eyjamenn úr leik í bikarnum

Karlalið ÍBV í körfuknattleik er úr leik í Subwaybikarkeppninni en liðið lék gegn úrvalsdeildarliði Breiðabliks á útivelli um helgina í 16 liða úrslitum keppninnar. Eins og við var að búast var sigur Blika öruggur en lokatölur urðu 102:58. Staðan í hálfleik var 48:33. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.