Drottinn leiðir bataferlið
31. október, 2019

Helgi Rasmussen Tórzhamar, tónlistarmaður og háseti á Herjólfi segist alltaf hafa verið með myndavéladellu og byrjaði snemma að taka myndir. Eyddi líka tímanum í að skoða myndir annarra en það var ekki fyrr en 2012 sem hann tekur til við að taka myndir fyrir alvöru. 

Þá urðu mikil tímamót í lífi hans. Helgi sýnir myndir á áttundu sýningunni, Vestmannaeyjar í gegnum ljósopið mitt á laugardaginn kl. 13.00 í Einarsstofu. Með honum er Ólafur Lárusson, kennari með meiru.

 „Já. Það var árið 2012 sem ég hætti að drekka og gerði Drottinn að leiðtoga lífs míns. Á þeim tíma átti ég þokkalega vél en nú var ástríðan vöknuð. Ég kaupi  mér alvöru myndavél og fékk Bjarna Þór til að aðstoða mig. Á ég honum mikið að þakka. Trúin er mín stoð í baráttunni og það hjálpar líka að eiga sér tómstundagaman eins og ljósmyndun,“ segir Helgi og það sama eigi við um tónlistina.

Hann segist eiga Bjarna Þór mikið að þakka því hann hafi kennt honum undirstöðuatriðin í ljósmyndun og hvatt sig til dáða. „Hann var duglegur að kenna mér og þolinmóður. Er ég honum ævinlega þakklátur fyrir það. Ég keypti mér Canon 5 D Mark 2 vél á þessum tíma. Átti hana í nokkur ár en er búinn að uppfæra vélakostinn og er með Canon 6 D Mark 2. Ég á líka speglalausa Canon R sem gaman er að leika sér með. Ég keypti líka dróna með myndavél sem gefur aukna möguleika og ég hef notað þó nokkuð. Þá er ég að leika mér með gamlar filmuvélar og framkalla og stækka, allt í svart-hvítu.“

Fín blanda

Helgi er greindur ofvirkur og með athyglisbrest sem hann segir fína blöndu þegar kemur að sköpun. Er ekkert bíða þegar honum dettur eitthvað í hug. „Mér getur dottið í hug að fara upp á Eldfell og þá geri ég það strax. Tek myndavélina með og mynda það sem ég sé. Það er líka gott að geta snúið sér að tónlistinni,“ segir Helgi sem spilar á hljóðfæri og semur lög. „Það er líka hægt að tengja þetta saman. Ég hef verið að gera stuttmyndir og tónlistarmyndbönd þar sem myndataka og tónlist mynda eina heild.“

Eins komið hefur fram er Helgi trúaður og virkur í starfi Hvítasunnukirkjunnar. „Það er Herrann þarna uppi sem stýrir mínu lífi í dag. Ég er lofgerðarleiðtogi í kirkjunni okkar og það er stór hluti af mínum bata.“

Helgi segist verða með fjölbreytta sýningu. „Ég ætla að sýna m.a. myndir úr úteyjum og af smalamennsku. Mér finnst gaman að taka myndir af fólki í smölun og við önnur tækifæri, sérstaklega þegar fólk veit ekki af myndavélinni. Ég sýni myndir teknar á jörðu niðri og myndir úr dróna. Svona sitt lítið af hverju. Ég á ættir að rekja til Færeyja og fer þangað minnst einu sinni á ári. Færeyjar eru ekki síður fallegar en Vestmannaeyjar og kannski fá myndir þaðan að fljóta með í lokin,“ segir Helgi og minnir á sýningartímann.

„Mætið klukkan eitt á laugardaginn í Einarsstofu. Þar verðum við Óli Lár klárir með myndirnar okkar.“

Facebook
X
LinkedIn
Pinterest
Reddit
Email
Print
Skoða blaðið á netinu
Forsida 5 Tbl EF
5. tbl. 2025

NÝBURAR

76e2af77 02d9 48eb B73a 24c32e2403ac
4. janúar 2025
Drengur
Landspítalinn, Reykjavík.
Katrín Rós Óðinsdóttir og Sæþór Örn Garðarsson.
Mest lesið
viðburðir
Tónleikar Kórs Vídalínskirkju í Landakirkju
8. júní 2025
17:00
Tónleikar Kórs Vídalínskirkju
Landakirkja
Fylgstu með

Skráðu þig á fáðu nýjustu tilkynningar fyrst

Eyjafréttir
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.