Liðlega 40 mættu í göngu Sögusetursins 1627 í gær sem var upphitun fyrir dagskrá í Einarsstofu í dag kl. 13.00. Komið var saman við Landakirkju og nokkrir þættir úr sögu hennar ræddir. Gengið að Stakkagerðistúni að minnisvarða um Guðríði Símonardóttur. Þá var gengið á Skansinn þar sem  rætt var um ýmsa sögulega þætti Tyrkjaránsins. Boðið upp á kaffi og svaladrykki. Göngustjóri var Ragnar Óskarsson. Óskar Pétur tók meðfylgjandi myndir.

Í dag – Kl. 13.00 Dagskrá í anddyri Safnahúss. 1 ½ klst.)

1. Örstutt kynning á dagskrá Sögusetursins að Krossi í Austur- Landeyjum hinn 8. júní sl.
2. Helga Hallbergsdóttir fjallar um Ástu Þorsteinsdóttur prestsfrú og séra Ólaf Egilsson á Ofanleiti og sögu þeirra í Tyrkjaráninu.
3. Kári Bjarnason segir frá séra Jóni Þorsteinssyni píslarvotti á Kirkjubæ og kveðskap hans.
4. Helga Jónsdóttir og Arnór Hermannsson flytja tónlist sína við nokkur ljóð séra Jóns.
5. Kaffi, kleinur og spjall. 

Öll velkomin.