Útgerðarmenn fengu um mánaða­mótin rukkun fyrir fjórðungi af veiðigjöldum fiskveiðiársins 2012 til 2013. Gjalddagi átti að vera 1. október en fjármálaráðuneytið hefur ákveðið að fresta honum um tvo mánuði því margt er óljóst í því hvað hver útgerð á að borga. Samkvæmt upplýsingum frá Útvegsbændafélagi Vestmannaeyja (ÚV) þurfa útgerðir í Vestmanna­eyjum að greiða rúmlega 2,7 millj­arða króna á tímabilinu í veiðigjald og sérstakt veiðigjald.