Viska verður með skyndihjálparnámskeið laugardaginn 21. mars næstkomandi. Námskeiðið fer fram frá kl. 12:00 til 16:00 og er ætlað öllum sem vilja efla þekkingu sína í skyndihjálp.

Á námskeiðinu fá þátttakendur fræðslu og þjálfun í viðbrögðum við slysum og skyndilegum veikindum, en slík kunnátta getur skipt sköpum þegar á reynir.

Að námskeiði loknu fá þátttakendur skírteini vottað af Rauða krossi Íslands sem gildir í tvö ár.

Leiðbeinandi námskeiðsins er Egill Aron Gústafsson og fer það fram hjá Visku.