Oddaleikur gegn Haukum á Ásvöllum er á morgun laugardag, klukkan 16:30.
Nú er allt undir í þessum leik og verður leikið til þrautar. Þið hafið verið stórkostleg á pöllunum í allan vetur, ekki síst í gær, en þörfin fyrir stuðning núna er meiri en nokkru sinni fyrr! Rútuferðin á leik þrjú var vel sótt og ÍBV að bjóða uppá rútuferð milli Landeyjahafnar og Ásvalla á morgun. Farið verður með 12:00 ferðinni og svo aftur til baka með 20:45 ferðinni. ATH. rútuferðin kostar 1.500 kr.- á mann! Hægt er að skrá sig í rútuna hérna.
Frítt í skipið fyrir hvítu riddarana og yngri iðkendur
Herjólfur OHF hefur ákveðið að bjóða frítt í skipið fyrir Hvítu riddarana og iðkendur í yngri flokkum ÍBV sem eru á leiðinni á Haukar ÍBV á laugardaginn með 12.00 ferðinni frá Vestmannaeyjum og 20.45 ferðinni frá Landeyjarhöfn. Þessar ferðir passa við skipulagðar rútuferðir ÍBV handbolta á leikinn.
