ÍBV mætir Víkingum á útivelli klukkan 14.00 í dag í tuttugustu umferð Bestu deildar karla. Mikilvægur leikur fyrir bæði lið. Víkingar eru í þriðja sæti deildarinnar með 35 stig og eiga leik til góða á liðin í öðru, fjórða og fimmta sæti sem öll eiga möguleika á Evrópusæti.

ÍBV er í níunda sæti með 18 stig og þriggja stiga forskot á FH sem komst í úrslit Mjólkurbikarsins í síðustu viku. Lögðu Breiðablik sem trónir á toppi deildarinnar með 45 stig. Með sigri á Víkingum eru Eyjamenn komnir í þægilega stöðu fyrir úrslitakeppnina. En Víkingar eru erfiðir heim að sækja með skemmtilegasta lið deildarinnar.

ÍBV á tvo leiki eftir daginn í dag, Fram á heimavelli og Breiðablik á útivelli í síðustu umerðinni.

Myndina tók Sigfús Gunnar á leik ÍBV og Stjörnunnar á Hásteinsvelli síðasta sunnudag. Þar höfðu Eyjamenn betur sem er gott veganesti í leikinn í dag.