Tryggvi Hjaltason, baráttumaður fyrir bættri stöðu drengja á Íslandi skrifar eftirfarandi pistil á Fésbókarsíðu sína:

„Dómsmálaráðherrann okkar var að lýsa yfir stríði á hendur skipulagðri brotastarfsemi á Íslandi. Merki er uppi um vaxandi fjölda alvarlegra líkamsmeiðinga og afbrota hjá ungu fólki, sérstaklega ungum karlmönnum. Þetta er erfið samfélagsleg áskorun.

Ég hef verið hugsi undanfarin ár. Er óeðlilegt í landi þar sem við leyfum ár eftir ár vel mældum og alvarlegum vandra ungra drengja að raungerast inn í kerfum sem þeir eru neyddir til að ganga í gegnum í a.m.k. áratug að á endanum komi kynslóð ungra karlmanna sem upplifir sig utan samfélagsins?

Lögum þetta saman

Ef ég ætti að spá fyrir um framtíðina byggt á öllum þeim gögnum sem ég hef skoðað undanfarin ár um stöðu drengja þá myndi ég því miður spá því að við eigum eftir að sjá í vaxandi mæli talsverðan óstöðugleika hjá ungum karlmönnum á Íslandi.

Myndin sýnir bara brotabrot af vel mældum áskorunum drengjana okkar sem fylgja þeim þegar þeir vaxa upp inn í Íslenskt samfélag. Því miður er myndin að versna með hverju árinu.

Gögnin sem fyrrgreindar fullyrðingar byggja á koma frá Unicef, WHO, Menntamálaráðuneytinu, Tryggingastofnun, Landlækni, OECD og samnorrænum könnunum.

Tökum betur utan um drengina okkar!

Lögum þetta saman.