Bæjarbúar og gestir þeirra flyktust í sólinni niður á Skanssvæðið á föstudaginn. Fyrst á dagskrá þar var leikhópurinn Lotta sem hélt leiksýningu í boði Ísfélagsins. Því næst tók við setning Goslokahátíðar og afmælishátíð bæjarins með stuttum ávörpum og tónlistaratriði. Um kvöldið var svo bæjarbúum boðið til glæsilegrar tónlistarveislu í Íþróttahúsinu sem breytt var í tónleikahöll og þar stigu á svið úrval tónlistarmanna og úr varð frábær skemmtun og ljúfir tónar.