Eyjapeyjarnir Anton Frans Sigurðsson og Sigurmundur Gísli Unnarsson, leikmenn ÍBV í handbolta unnu til silfurverðlauna á Sparkassen Cup-handboltamótinu með u-18 ára landsliði Íslands, í Merzig í Þýskalandi. Íslenska liðið tapaði með þremur mörkum, 31-28, í úrslitaleik mótsins gegn Þýskalandi. Alls unnu íslensku strákarnir fjóra leik á mótinu, gegn Slóveníu, Austurríki, Hollandi og Portúgal og töpuðu einum. Anton Frans skoraði eitt mark í úrslitaleiknum og Sigurmundur Gísli varði eitt skot.

Alls skoraði Anton Frans 17 mörk á mótinu og Sigurmundur Gísli varði 23 skot. Sparkassen Cup mótið er liður í undirbúningi íslenska liðsins fyrir Evrópumótið sem fer fram í sumar.