Herjólfur hefur aldrei flutt eins marga farþega og bíla í apríl eins og á þessu ári. Farþegafjöldi fór í fyrsta sinn yfir 30 þúsund og var farþegafjöldi 31.682 í mánuðinum. Í fyrsta sinn fór fjöldi bifreiða yfir 10 þúsund en Herjólfur flutti 10.026 bíla í apríl.

Það sem skýrir þennan aukna fjölda er einkum og aðallega​ það að veður og sjólag var afskaplega hagfellt í apríl​. ​Aðeins einn dag var siglt til Þorlákshafnar ​auk þess sem margir nýttu sér páskafríið til að koma í heimsókn til Eyja. ​Þá hefur aukin markaðssetning til erlendra ferðamanna verið að skila sér.

​​Lítur björtum augum til sumarsins

Ólafur Jóhann, framkvæmdastjóri Herjólfs segir​ í samtali við Eyjafréttir að undanfarin ár h​afi verið lögð aukin áhersla á að markaðssetja Vestmannaeyjar sem spennandi áfangastað ferðamanna og alveg ljóst að sú markaðssetning hefur verið að skila sér í auknum farþegafjölda​. ​,,Eins og við sjáum í nýliðnum mánuði er um það bil fjórðungur farþega er með erlent ríkisfang, langflestir frá Bandaríkjunum,“​ segir hann.

Ólafur ​lítur björtum augum til sumarsins. ​,,Það er heldur ​betri bók​unarstaða nú​ ​miðað við í fyrra en þó segir það takmarkaða sögu, þar sem flestir farþegar kaupa miða í skipið með mjög stuttum fyrirvara.​ En við höfum að minnsta kosti enga ástæðu til annars en að vera full bjartsýni fyrir komandi sumri​,“ segir Ólafur kankvís að lokum.