Menningarnótt í Reykjavík Vegna 50 ára goslokaafmælis er Vestmannaeyjabær sérstakur gestur á Menningarnótt í Reykjavík, laugardaginn 19. ágúst.

Óskað hefur verið eftir liðsinni félagsmanna ÁtVR, Átthagafélags Vestmannaeyinga í Reykjavík í viðburði bæjarins í Ráðhúsi Reykjavíkur þann dag milli kl. 13.00 og -17.00  Þjóðhátíðartjald verður sett upp í Tjarnarsalnum og þar verður boðið upp á heðfbundið þjóðhátíðarbakkelsi ásamt lifandi tónlist reglulega yfir daginn.

Hlutverk félagsmanna ÁtVR er að leika hlutverk húsráðanda í tjaldinu, grípa í hljóðfæri ef vill (það verða hljóðfæri á staðnum), og syngja með í tjaldinu. Ásamt því að vera á röltinu og spjalla við fólkið sem er á svæðinu til að skoða muni sem sýna söguna um gosið.

Við óskum eftir ykkar hjálp við að vera á staðnum, okkur vantar um 5 til viðbótar á hverja vakt. Hver vakt er klukkustund og með því að smella á linkinn hér fyrir neðan, verðið þið leidd inn á síðu þar sem hægt er að skrá sig.

Allir sem skrá sig fá tölvupóst fljótlega eftir skráningu og svo aftur þegar nær dregur viðburðinum með öllum upplýsingum.

Með fyrirfram þökk!

Fréttatilkynning.

Í Brekkunni á sunnudaginn – Mynd Addi í London.