Haukar eru komnir í 8-liða úrslit Eimskipsbikarnum eftir nauman sigur á 1. deildarliði ÍBV í Eyjum í kvöld. Leikurinn var jafn og spennandi allan tímann og undir lokin gat leikurin í raun farið hvernig sem var. En það voru Haukar sem höfðu eilitla heppni með sér auk þess sem Eyjamenn voru klaufar á lokakaflanum. Lokatölur urðu 17:19 fyrir Haukum en staðan í hálfleik var 10:9 ÍBV í vil. Leiknum var lýst með textalýsingu á Eyjafréttum en álagið varð það mikið að vefþjónn Smartmedia hrundi.