Bjargið fékk á dögunum veglega gjöf frá Kvenfélagi Landakirkju þegar félagið afhenti nýtt skynjunartæki sem ætlað er að efla hreyfingu og örva skynjun hjá eldra fólki.

Kvenfélagið safnaði fyrir tækinu með það að markmiði að styðja við velferð og lífsgæði íbúa. Um er að ræða öflugt hjálpartæki sem mun nýtast vel í daglegu starfi og stuðla að aukinni virkni, jafnvægi og örvun hjá notendum.

Að sögn starfsfólks á Bjarginu mun tækið koma að mjög góðum notum í daglegu starfi og styrkja enn frekar þá þjónustu og umönnun sem þar er veitt.

Starfsfólk og íbúar Bjargs eru afar þakklát fyrir þessa rausnarlegu gjöf og það óeigingjarna og mikilvæga starf sem Kvenfélag Landakirkju vinnur í þágu samfélagsins.