Þorrablót ÍBV fer fram föstudaginn 28. febrúar næstkomandi í Höllinni og er þetta fyrsta þorrablót á vegum félagsins. Dagskrá kvöldsins er nú klár og ljóst að gestir eiga von á skemmtilegu kvöldi.

Veislustjóri kvöldsins er Stefán Einar og á svið stíga einnig Hipsumhaps og Stuðlabandið.

Auk tónlistar verður uppboð, happadrætti og lukkuhjól. Þá verður ÍBV-skaupið sýnt síðar um kvöldið.

Skipuleggjendur vekja athygli á því að einungis fá borð séu eftir og hvetja fólk eindregið til að hafa samband sem fyrst og tryggja sér borð.