Einsi Kaldi og hans fólk í jólagír

,,Veturinn hefur farið ljómandi vel af stað hjá okkur,“ segir Einar Björn Árnason, matreiðslumeistari sem rekur veitingastaðinn Einsa Kalda ásamt veisluþjónustu sinni. „Við erum afskaplega þakklát fyrir hvað heimamenn eru duglegir að styðja við okkur og koma á veitingastaðinn, svo höfum við líka verið heppin með samgöngurnar hingað til sem hjálpar.“

Veisluþjónustan hefur einnig farið vel af stað og má segja að hún haldi rekstrinum gangandi yfir vetrartímann segir Einar. „Haustin eru oft sterk í veisluþjónustunni, sem er frábært. Við höfum verið með hvern stórviðburðinn á fætur öðrum eins og árshátíð Ísfélagsins og Vinnslustöðvarinnar, ásamt veislum út í bæ. Það er einnig margt framundan hjá okkur og svo förum við að detta í jólatörnina. Við verðum með stórt og metnaðarfullt jólahlaðborð laugardaginn 7. desember í samstarfi við strákana í Höllinni. Þá verðum við með góða gesti eins og Jónsa í Svörtum fötum, ásamt fleiru góðu Eyjafólki,“ segir Einar Björn.

Framundan á Einsa Kalda

„Það sem er framundan hjá okkur á veitingastaðnum er í rauninni bara jólatörnin. Við höfum byggt okkur gott orðspor fyrir jólaplattana okkar síðustu ár og ætlum við að halda í þá hefð. „Jólakvöld á Einsa Kalda“ verður því aftur í ár, þetta er einstaklega notalegt kvöld með góðu úrvali af fjölbreyttum mat. Við gerum allan okkar mat frá grunni og fólk finnur það. Við erum einnig að undirbúa jólakokteilana ásamt smörrebrauðum. Staðurinn er einstaklega notalegur yfir vetrartímann, dökkur og kósí og við erum ótrúlega heppin með starfsfólkið okkar.“

Nýr matseðill í janúar

Og áfram verður haldið á nýju ári. „Við erum með opið okkur fimmtudaga til sunnudaga og gerum við það í samráði við starfsfólkið, þau halda sinni vakt og eru svo í fríi mánudaga til miðvikudaga. Við ætlum svo að hafa opið á milli jóla og nýárs, og eftir það lokum við í smá tíma til að útbúa glænýjan matseðil. Þegar við erum ánægð með hann opnum við aftur í janúar, en þessir dagar eru ómetanlegir fyrir okkur til að fínpússa rétti, stilla verð og skipuleggja okkur í ró og næði,“ sagði Einar Björn að endingu.

Nýjustu fréttir

Íþróttir
Þrjú lið frá ÍBV í bikarúrslitum um helgina
Áhugavert
Strangar hæfiskröfur í útboði heilsuræktar
Fréttatilkynning
Ísfélagið áfram einn af aðalstyrktaraðilum KFS
Sjávarútvegur
Útflutningsverðmæti sjávarafurða um 360 milljarðar
Sjávarútvegur
Eyjarnar lönduðu fullfermi í Eyjum um helgina
Umræðan
Vestmannaeyjar – Alveg milljón
Aðsend grein
Kæru Eyjamenn, kæru sjálfstæðismenn
Vinnslustöðin
Drangavík VE dregin til hafnar eftir að veiðarfæri fóru í skrúfu – uppfært
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.