Eyjamaðurinn Elliði Snær Viðarsson var markahæstur með sjö mörk, í tapi íslenska landsliðsins í handbolta gegn Svíþjóð í kvöld. Þetta var fyrri vináttulandsleikur þjóðanna og fór leikurinn fram í N1 höllinni á Hlíðarenda. Leiknum lauk með tveggja marka sigri Svíþjóð, 33-35.

Staðan var  jöfn í hálfleik 19-19. Svíar tóku forystuna snemma í seinni hálfleiknum og héldu forystunni út allan leikinn. Markvörður Svía, Mikael Appelgren gerði íslenska liðinu erfitt fyrir en hann varði tíu skot á 30 mínútum og gerði gæfumuninn í síðari hálfleik. Svíar unnu að lokum sanngjarnan tveggja marka sigur.

Seinni leikur þjóðanna fer fram í Kaplakrika, á laugardaginn kl. 17:00.