Undirbúningur við sundlaugina í Vestmannaeyjum gengur vel og styttist nú í að hægt verði að prófa nýjan búnað. Þetta kemur fram á vefsíðu bæjaryfirvalda. Þar segir jafnframt að fulltrúi frá verkfræðistofunni Eflu sé væntanlegur í dag til að ljúka síðustu verkþáttum verkefnisins.

Ennfremur segir að vatn sé nú farið að renna í laugina og ef allt gengur að óskum verður hægt að hefja keyrslu á kerfinu um helgina eða strax eftir helgi. „Vonir standa til að hægt verði að opna sundlaugina seinni partinn í næstu viku ef allt gengur upp.”