Það ríkti sannkölluð sigurgleði í Kópavoginum í gærkvöldi þegar heimamenn í HK tryggðu sér Íslandsmeistaratitilinn í handbolta. Liðið gerði það á eftirminnilegan hátt, lagði Hauka 3:0 í undanúrslitum og svo FH 3:0 í úrslitunum. Við stjórnvölinn hjá HK er Eyjamaðurinn Erlingur Richardsson og með honum er maður sem Eyjamenn kannast vel við, Kristinn Guðmundsson en saman stýrðu þeir einmitt ÍBV.