Evrópudraumurinn svo gott sem úti

ÍBV steinlá gegn Sarpsborg08 á Hásteinsvelli í kvöld í fyrri leik liðanna í undankeppni Evrópudeildarinnar. Jafnræði var með liðunum í fyrri hálfleik þrátt fyrir að Norðmennirnir hafi verið meira með boltann. Áttu Eyjamenn nokkur ágætis færi og voru óheppnir að skora ekki.

Bikarmeistararnir 1968 voru sérstakir heiðursgestir á leik ÍBV – Sarpsborg. Fulltrúar meistaranna voru þeir Bragi Steingrímsson, Páll Pálmason og Sigmar Pálmason.

Í síðari hálfleik snerist leikurinn algerlega gestunum í hag og skoraði Rashad Muhammed fyrsta mark Sarpsborg í evrópuleik á 59. mínutu. Gunnar Heiðar Þorvaldsson var svo nálægt því að jafna fjórum mínútum síðar þegar hann átti skot í samskeytin eftir hægan darraðadans í markteig gestana. Í staðin brunuðu gestirnir upp völlin og Patrick Mortensen við öðru marki Sarpsborg. Eftir þetta fundu Eyjamenn aldrei taktinn að nýju og höfðu gestirnir öll tögl og höld á leiknum það sem eftir lifði. Ole Jorgen Halvorsen og Armin Askar gerðu svo algerlega út um Evrópudraum Eyjamenn með sítt hvoru markinu í uppbótatíma.

Það verður því að teljast ansi ólíklegt að ÍBV fái nokkuð út úr þessari rimmu. En til þess þurfa þeir að skora fimm mörk úti í Noregi nk. fimmtudag, 19. júlí.

„Það er gríðarlegt svekk­elsi að hafa kastað þessu svona frá okk­ur í lok­in og fá á okk­ur þessi síðustu tvö mörk eins og kján­ar,” sagði Kristján Guðmundsson, þjálfari í samtali við Mbl.is að loknum leik. „Ef við horf­um á leik­inn í heild þá vor­um við fín­ir í fyrri hálfleik og sköpuðum okk­ur mjög góð færi og þetta kenn­ir okk­ur það að við verðum að nýta okk­ur svona færi í svona leik. Það er ekki hægt að fara með hálf­kák í fær­in í svona leik það bara geng­ur ekki.”

 

Nýjustu fréttir

Fréttir
Rafmagnslaust: Stór truflun í kerfinu – uppfært
Fréttir
Annríki hjá Björgunarfélagi Vestmannaeyja í fárviðri
Úr blaði Eyjafrétta
Hjalti læknir og Vera Björk Eyjafólk ársins 2025
Fréttir
Stormur á Stórhöfða
Aðsend grein
Sterkt samfélag byggir á trausti og samvinnu
Aðsend grein
Mikilvægasta skipið
Fréttir
Tilnefnt í faghóp vegna nýs leikskóla í Löngulág
Samgöngur
Ábending frá Herjólfi
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.