Utankjörfundaratkvæðagreiðsla í prófkjöri Sjálfstæðisflokksins verður bæði á sjúkrahúsinu og á Hraunbúðum. Þeir sem dveljast á þessum stöðum og geta ekki mætt á kjörstað geta því greitt atkvæði þar.

Atkvæðagreiðsla á báðum stöðum fer fram á morgun, fimmtudag 12. mars. Á sjúkrahúsinu verður kosið kl. 12:30 en á Hraunbúðum kl. 14:15.

Fulltrúar kjörstjórnar munu mæta á áðurnefnda staði á þessum tíma, með kjörgögn, og gefa þeim sem þar eru tækifæri á að greiða atkvæði, segir í tilkynningu frá kjörstjórn.