ÍBV steinlá gegn Fram í Eyjum
Úr leik ÍBV og Fram í kvöld. Ljósmynd/Sigfús Gunnar Guðmundsson.

Karlalið ÍBV í handbolta mátti þola stórt tap gegn Fram þegar liðin mættust í eina leik kvöldsins í 11. umferð Olís deildar karla í Eyjum í kvöld. Lokatölur urðu 21-35, Fram í vil.

Jafnræði var með liðunum á fyrstu mínútum leiksins og var staðan jöfn, 4-4, eftir tæplega sjö mínútna leik. Framarar tóku þá að síga fram úr Eyjamönnum og höfðu náð fimm marka forskoti, 8-13, eftir 20 mínútna leik. Fram leiddi með átta mörkum í hálfleik, 12-20.

Framarar voru með öll völd á vellinum í síðari hálfleik og höfðu náð tólf marka forskoti, 15-27, þegar stundarfjórðungur var eftir. Mest varð forskotið 17 mörk og lauk leiknum með öruggum 14 marka sigri Fram, 21-35.

Með sigrinum fór Fram upp fyrir ÍBV í deildinni. Bæði lið eru með tíu stig, en ÍBV situr nú í 7. sæti og Fram í því sjötta.

Dagur Arnarsson og Sveinn José Rivera voru markahæstir hjá ÍBV með fjögur mörk hvor. Ívar Logi Styrmisson hjá Fram skoraði flest mörk allra, sjö talsins. Petar Jokanovic varði níu skot í marki Eyjamanna og Sigurmundur Gísli Unnarsson eitt.

Mörk ÍBV: Dagur Arnarsson 4, Sveinn José Rivera 4, Atli Steinn Arnarson 3, Kristófer Ísak Bárðarson 3, Gary Emanuel Phillips 2, Andri Magnússon 1, Daníel Þór Ingason 1, Heimir Halldór Sigurjónsson 1, Jason Stefánsson 1

Nýjustu fréttir

ÍBV steinlá gegn Fram í Eyjum
Frá briminu upp yfir bæinn – myndband
Eyjamenn vilja komast aftur á sigurbraut gegn Fram
Fjárlög 2027 með augum Sunnlendinga
Ráðherra þurfi að skýra hvernig lögreglan verði efld
ÍBV úr leik í Powerade bikarnum eftir tap gegn Stjörnunni
Vestmannaey og Bergey landa í Neskaupstað eftir erfiðar veiðiferðir
Ísfélagið veiddi tæp 18.000 tonn af norsk-íslenskri síld
Eyjafréttir
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.